新假期: 腦力大躍進	2009.12.14
創意思維無得教？學音樂要先學豆豉音符？數學叻要識珠心算？21世紀的今天要激活小朋友左右腦，傳統觀念真係要改一改！創意源自天馬行空；音樂要靠身體擺動去感受；煮飯仔可以快快樂樂學數學；low tech玩具其實最醒腦。要小朋友腦袋煥然一新，家長來年選興趣班就要識揀！ 01 亂諗變創意 小朋友不似大人般顧慮多多，反而創意無窮。既然條條大路通羅馬，每件事都可以從不同角度思考。最近有人開辦了一個課程，把教授設計系大專生的方法用諸5至8歲小朋友身上，鼓勵學生「胡思亂想」，幫個腦做運動，喚醒平日唔多機會用到的腦細胞！念設計出身的導師Gigi及Seemon會教學生繪畫「腦地圖」（mind map），把抽象意念圖畫化。例如以「紅色」為起點擴展開去，要他們把平日觀察到的紅色事物畫下，有小朋友竟想起媽媽有個紅色胸圍，也有人畫了一灘血，Gigi說︰「佢哋嘅意念有時天馬行空到你估唔到。」 02 擊出腦能量 倫敦大學最近有研究指，小朋友學樂器能增強記憶力及智力。此話一出，全城不知多了幾多家長迫仔女學音樂？望子成李雲廸非壞事，但要3、4歲小朋友看五線譜兼日日練琴就肯定唔係好事，不如先引發他們對音樂的興趣。 有間音樂中心就採用來自德國的「奧福音樂教學法」，著重利用唱遊令小朋友「郁身郁勢」感受音樂的快慢強弱，加強聆聽及協調能力。年紀較大的要發揮想像，配合音樂用身體模仿物件，如扮一杯被放進焗爐、慢慢溶化的雪糕！ 學習敲擊樂也是課程重點，小朋友能從中增強節奏感及改善音準，有10多年音樂教育經驗的導師Maggie說︰「彈琴用的是手部的小肌肉，年幼小朋友未必能馬上掌握，我哋用嘅非洲鼓、鐵片琴，主要利用大肌肉敲打發聲，學起上來輕鬆得多。」學樂器不急於一時，家長收到沒有？ 導師會叫小朋友利用非洲鼓拍打一個屬於自己的拍子，其他人便要跟著拍，這除可增加節奏感，還可訓練他們的領導能力。 部分琴鍵預先拆走，讓小朋友較易敲中。導師強調餘下的琴鍵組合音韻比較和諧，小朋友亂敲也不致吵耳。 小朋友要一直聽音樂指示，圍圈拿著彩色帳幕向左向右走，之後便會聽到拾蛋的指示，個個都玩到癲。 家長意見 張太&Alvin（4歲） 佢由兩歲幾開始學，學咗年幾，節拍感好咗好多，相信佢將來學大提琴會容易啲。呢度學音樂唔係坐定定，幾好玩，最緊要係佢學得開心。
原文第一頁
原文第二頁
>> 返回傳媒報導首頁